अञ्जु पन्तका बुढाबुढी नबोल्दा............

सम्बन्ध विच्छेद भइसक्यो : अञ्जु
मन फर्काउने प्रयासमा छु : मनोज
गायन सम्बन्धी रियालिटी शोको निर्णायक भएर पाल्पामा अडिसन लिन आएका गायिका अञ्जु पन्त र उनका पति मनोजराजबीच बोलचाल भएन । 'सिंगिङ आइकन'को निर्णय सुनाउने क्रममा संगीतकार टीका भण्डारीसँग दुवैले कयौं पटक कानेखुसी गरे ।  तर, आपसमा बोलेनन्। पछिल्लो समय अञ्जु र मनोजको सम्बन्धमा फाटो आएको र उनीहरू पारपाचुके गर्ने अवस्थामा पुगेको चर्चा चलेको छ।  अञ्जु र मनोजको आपसमा तालमेल नमिल्दा प्रतियोगीले पनि कष्ट सहनु पर्‍यो।

नेवानि लुट्ने स्यालहरू

        नेपाल वायु सेवा निगम, नेवानि अर्थात् नेपालको राष्ट्रिय ध्वजावाहक वायु सेवा निगम, जुन व्यवस्था आयो, त्यसैको कमाई खाने अड्डा, जसको सरकार बन्यो, यसैको रजाइ गर्ने थलो बन्दै आएको छ । पञ्चायतमा राजा र राजाका आसेपासेहरूले लुटे, बहुदलमा दलका नेताहरूले पालैपालो लुटे, अहिले त थला परेको छ । पहिला-पहिला जहाज किन्ने र भाडामा लिने नाममा लुटिन्थ्यो । तर अब लुट्नलाई केही बाँकी छैन, त्यसैले बचेखुचेका इञ्जिन बनाउन पनि कमिसनको खेल हुन थालेको छ ।यही अवस्था हो भने नेवानि केही समयमै बन्द हुनेछ । लाग्छ नेवानि बन्दै भए पनि कमिसनको खेल रोकिनेछैन,जहाजका अस्थिपञ्जर कवाडीमा बेच्न पनि मारामार हुनेछ । नेवानिले २००८ सालमा जामा एयर नामक भारतीय कम्पनीले काठमाडौको सानो गौचरनबाट भारतको पटनाका लागि नेपालबाट पहिलो उडान भरेको थियो ।

नेपालमा फेरी घट्यो लोडसेडिङ समय

दीन–दीनै फेर्यो प्राधीकरणले समय तालीका
दिनको १४ घण्टासम्म लोडसेडिङ हुँदै आएको काठमाडौंमा झण्डै एकहप्तासम्म बत्ती नै गएन । बत्ती नहुँदा आजित भएकालाई बत्ती आईरहँदा समेत कता कता के नमिलेको जस्तो अनुभव भयो ।लोडसेडिङको तालिका हेरेर काम गर्ने बानी भएकालाई पटक्कै लोडसेडिङ नहुँदा नौलो लाग्नु स्वभाविक नै थियो । माग अनुसार बिजली पुर्याउन सकिएन भन्ने प्राधिकरणले हप्ता दिनभरी चाहिं कसरी पुरै समय बत्ती दिन सक्यो त ? प्राधिकरणका भार प्रेषण केन्द्रका प्रमुख चिरञ्जीवि शर्मा भन्छन् -’नदीमा पानीको बहाब बढ्यो, पोखरा लगायतका ठाउँमा बिद्युत्त अवरोध हुँदा त्यता दिने बिजुली यतै गाभ्यौं ।’

कोरिया जान झण्डै ६० हजारको आवेदन

आकर्षक तलब र सुविधाका कारण इपिएस प्रणालीमार्फत दक्षिण कोरिया जाने नेपाली युवाको आकर्षण बढेको छ।यसअघिभन्दा अहिले कोरिया जाने युवाको संख्या बढेकाले उनीहरुका लागि कोरिया आकर्षक गन्तब्य बनेको देखिएको हो। पहिलो पटक इपीएसमार्फत कोरिया जान करिव ३५ हजार जनाले आवेदन दिएका थिए। दोस्रो पटक यो संख्या ४२ हजारमा रहेकामा अहिले(तेस्रो पटकमा) करिव ६० हजार पुगेको छ।

मन्त्रिपरिषद्को चौथो पटक विस्तार

काठमाडौं, वैशाख २१ - माओवादी, एमाले, मधेसी जनअधिकार फोरम र साना दललाई समावेश गरेर प्रधानमन्त्री झलनाथ खनालले बुधबार चौथोपटक मन्त्रिपरिषद् विस्तार गरेका छन् ।मन्त्रिपरिषद् विस्तारसँगै सरकारलाई दुई तिहाई समर्थन प्राप्त भएको छ । प्रधानमन्त्रीले बुधबार नै राष्ट्रपति रामवरण यादवको उपस्थितिमा १४ मन्त्रीहरुलाई शपथ खुवाएका छन् ।

मोरङमा भिषण संकट,हावाहुरीले दुईको मृत्यु, सयौ परिवारको बिचल्ली

हावाहुरीले क्षत–विक्षत पारेको मोरङ वनिगामाको घर।  तस्विर: खिलानाथ

आइतबार साँझ आएको हावाहुरीले सुनसरी र मोरङका अलग–अलग स्थानमा दुई जनाको मृत्यु भएको छ। हावाहुरीले कोशी राजमार्ग अन्तर्गत सुनसरीको इटहरी–७ मा बिजुलीको पोल ढाल्दा साइकल यात्री मोरङ् सुन्दरपुर–७ का १९ बर्षीय मन्तोष भन्ने अशोक पासवानको करेन्ट लागेर मृत्यु भएको प्रहरीले जनाएको छ । पासवानको घटनास्थलमै मृत्यु भएको थियो ।

एन्फा रेडबुल मोरङ जिल्ला लिग फुटबल प्रतियोगितामा हसन्दहको विजयी सुरूआत

विराटनगर,१९ चैत्र – एन्फा रेडबुल मोरङ जिल्ला लिग फुटबल प्रतियोगिताको सोमबार भएको खेलमा हसन्दह, प्रभात,त्रिवेणी, र पचाम बिजयी भएको छ। सोमबार लक्ष्मीमार्गमा भएको पहिलो खेलमा हसन्दह स्पोटिङ क्लबले डाँगीहाटको युनाईटेड स्पोटिङ क्लबलाई २–१ को गोल अन्तरले पराजित गरेको हो।  त्यसैगरि दोस्रो खेलमा उर्लाबारी स्पोटिङ क्लबले हरैचाको पचाम स्पोर्टिङ क्लबलाई २–० गोलले पराजित गरेको हो।