Sign Up To The Free Email Newsletter!

Want to get notified whenever we produce the latest content ? Then subscribe now to start receiving hot updates from today.

Sunday, May 15, 2011

तरकारी ढुवानीमा एम्बुलेन्स !

On : 10:32 AM
In :
 अस्पतालमा बाहेक अन्य कुनै स्थानमा एम्बुलेन्स देख्नेवित्तिकै तपाईंको मनमा के सोचाइ आउँछ ?  पक्कै पनि कुनै मानिस बिरामी परेर अस्पताल लैजान लागेको होला भन्ने सोचाइ आउन सक्छ ।
तर, अब भने तपाइ हाम्रो यो सोचाइ गलत पनि हुन सक्छ, किनकि आजभोलि एम्बुलेन्सको प्रयोग जुनसुकै कामका लागि पनि हुन थालेको छ । बिरामीलाई अस्पताल पुर्‍याउनका लागि प्रयोग हुने एम्बुलेन्स आजभोलि तरकारी बेच्ने, बोक्ने तथा पिकनिक जानेजस्ता कार्यमा पनि प्रयोग हुन थालेका छन् ।

बिहान तरकारी बजारमा जाने हो भने तरकारी ढुवानी गर्दै गरेका एम्बुलेन्सलाई देख्न सकिन्छ । काठमाडौँ उपत्यकामा रहेका मगर सेवा समाज, सुनुवार सेवा समाज, यादव सेवा समाजलगायत नगरपालिकाद्वारा सञ्चालित एम्बुलेन्स बढी दुरुपयोग भएको देखिएको छ । ललितपुरमा मात्र नगर क्षेत्रमा सरकारी दुई र निजीस्तरबाट २९ एम्बुलेन्स सञ्चालित छन् ।

तर तीमध्ये धेरैजसो एम्बुलेन्स बिरामीको सेवामा भन्दा पनि अन्य कार्यमा प्रयोग हुँदै आइरहेको छ । केही समयअघि मात्रै चापागाउँस्थित बज्रबाराही पिकनिक स्थलमा एम्बुलेन्स देखियो । एम्बुलेन्स देखेपछि त्यहाँ रहेका कतिपयले पक्कै पनि कोही बिरामी परेको हुनुपर्छ भन्ने सोचेका थिए । तर अचम्म त के भयो भने त्यो एम्बुलेन्स कुनै बिरामीको सेवाका लागि नभई पिकनिक आएका मानिसको सेवामा थियो ।

यसरी आपतविपतका बेला उपलब्ध नहुने र अनावश्यक स्थलमा भेटिने गरेको एम्बुलेन्सको स्पष्ट नीति नभएका कारण दुरुपयोग भइरहेको छ । जिल्ला जनस्वास्थ्य ललितपुरका नर्सिङ अधिकृत अम्बिका केसी एम्बुलेन्स चालकको जीवन बीमा तथा स्वास्थ्यसम्बन्धी विभिन्न तालिममा सहभागी गराई जनचेतना जागृत गराउने हो भने केही मात्रामा यो समस्या समाधान हुने बताउनुहुन्छ ।

उहाँले यो समस्या ललितपुरमा मात्र नभई अन्य जिल्लामा पनि देखिएकाले यस विषयलाई गम्भीरतापूर्वक लिई नीति निर्माण तहबाटै स्पष्ट नीति आउनुपर्ने आवश्यकता औँल्याउनुभयो । नेपाल रेडक्रस सोसाइटी ललितपुरका उपाध्यक्ष बाबुराज महर्जन एम्बुलेन्सको दुरुपयोग रोक्नका लागि एम्बुलेन्स कार्यदल गठन गरी कार्य थालिसकिएको बताउनुहुन्छ ।

उहाँका अनुसार यसको पहिलो चरणअन्तर्गत एम्बुलेन्सका सञ्चालक, एम्बुलेन्स चालकलगायत सम्बन्धित पक्षलाई बोलाई बैठक गरिएको र उक्त बैठकमा सबैले आफ्नो तर्फबाट एम्बुलेन्स दुरुपयोग रोक्ने प्रतिबद्धता व्यक्त गरेका थिए । रासस

0 comments:

Post a Comment